#ฟ้อนผญาเกี้ยวท้าวปาจิตนางอรพิม
คำร้อง : สุวิทย์ วิชัด
ขับร้อง : ไผ่ ธนพล , เนย นริศรา
เรียบเรียง : ภูวไนย ดิเรกศิลป์
ห้องอัด : BACKHAM STUDIO
สนใจติดต่อทำเพลง ได้ที่
Facebook : Backham PL Chromatic
Tel.0852088755 แบล็คแฮ่ม
Line ID : backhamstudio
(ชาย) บ่าวองค์ท้าว คนิงหล่ำแลมา กัลยางามสม ปานพรมประทานไท้
ในใจอุกเอ้า สิเล่าทางถามข่าว, อ้ายปาจิต เด้อละน้อนางท้าวๆ
เด้อละน้อนามเจ้า สิถามคราวทางซื่อ สิฮักนางซุมื้อ ผู้ทองเนื้อว่าใด๋.
(หญิง) ใสๆศัพท์ ดุริยัพภาษา ยินคำจา อกอุราไหวดั้น,
นามนาถน้อง อรพิม เด้ออ้าย
หลิงเห็นผมมวยอ้าย หางตาชายไหวหวั่น
คือเสียงทองฆ้องลั่น พะลันพั้วหม่อมพระนาง.
(ชาย) เพิ่นว่ากกแนนเกี้ยวจ้ำจ่องคองสาย อกพี่ชายสิสม โหราษิณาไว้
นามนาถน้อง อรพิมนี้คู่ อ้ายสิซูขึ้นใส่ บัดฮ่าเป็นกกไม้ สิไล้เกี้ยวเกี่ยวเครือ.
(หญิง) บาดได้ยินคำอ้าย หมายคู่อรพิม ถนิมพรบุพเพ บ่เซไลม้าง
นางนาถน้อง สิขอจองเคียงพี่ ย้านแต่สัจจานี้ สิมีได้เดี่ยงไหว.
(ชาย) หนักโอ้นโต้น คือสัจจาคำชาย ปาจิตงายบ่ไล คือภูภาตั้ง
มันจมอ้อยต้อย คือหินแลงศิลาอยู่ บ่มีฟูขึ้นน้ำ คือคำแท้แม่นพี่ชาย.
(หญิง) ย้านแต่อ้าย สิหลักเดี่ยงคืนคำ กาดำๆว่าขาว สาวอินางสิหลงซ้อน
ยามซายสิจ้อน ฟ้าวซอนใส่คือสวนหมี่ บาดห่าอิ่มสวนนี้ สิแล่นลี้ไปสวนมอญ.
(ชาย) แก้มอ่อนๆ ผู้งอนแอ่นทางขนง เจ้าผู้สีโขงๆ ให้เซื่อคำชายเว้า
เฮาองค์เอกท้าว ขัตติยาจาลั่น สัตยาแม้นมั่นสิฮักน้องแต่ผู้เดียว.
(ชาย-หญิง) ฮักเฮานี้ให้มีแต่ดอกคู่สอง เฮียงคือจันทร์ซ่องล่อง สุริยาส่องฟ้า
องค์ปาจิตท้าว อรพิมนางเจ้า สองคู่เฮาบ่หล่า ฮักชั่วนานกาลฟ้า สุธานั้นบ่สลายๆ.
